Arne Svingen

Arne Svingen er norskur rithøvundur, føddur 10. juli 1967. Hann er ein av virknastu rithøvundunum í Norra og hevur skrivað yvir 100 bøkur.
Svingen hevur starvast sum journalistur á m.a. Arbeiderbladet. Hann hevur arbeitt við spælifilmi í New York. Hann er í dag sera virkin at vitja skúlar, har hann tosar um at lesa, um bøkur sínar og heldur skriviskeið. Hann er sera ágrýtin eftir at fáa ungdóm at lesa og kanska serliga dreingir.
Fyrsta bók hansara, skaldsøgan Handlingens mann, kom út í 1999, sama ár kom barnabókin Flekken.
Fyrsta ungdómsskaldsøgan, Karisma, kom út í 2002. Svart fílabein kom út á norskum í 2005. Hon varð heiðrað við Brageprísinum sama ár.
Hann hevur eisini skrivað fleiri hoyrispøl.

Útgávur:
2008 Svart fílabein
2010 Dagar eg havi gloymt
2018 Heimsins vandamiklasta harkalið
2020 Heimsins vandamiklasta harkalið. Gravrænarar
2022 Elvin Griff agentur 1 - Flýggjanin til heimsins enda
2022 Elvin Griff agentur 2 - Flýggjanin til tað tóma húsið
2023 Ein himmal fullur av skýggjum
2023 Elvin Griff agentur - Flýggjanin til sirkusið
2023 Elvin Griff agentur 4 - Flýggjanin til bakgøturnar

Ummæli:

Jostein Andresen Ryen: Mørkets hjerte. barnebokkritikk. no/24. november 2005
Knut Anders Løken: Spenning mens du blar og blar. barnebokkritikk.no/13. februar 2008
Steffen Sørum: Valgte leserne rett anmeldelse? barnebokkritikk.no 13.12.2012
Jostein A Ryen: Svar til Sørum. barnebokkritikk.no 21.12.2012
Arne Svingen: Skal jeg forholde mig til dette NÅ? barnabokkritikk.no 9.1.2013

Heiður:
2005 Brageprisen fyri Svart fílabein
2007 Skolebibliotekarforeningens pris
2019 Bokslukerprisen við atkvøðum frá 45.000 børnum fyri Himmal fullur av skýggjum