Visti tú, at føroyska flaggið, Merkið, fyrstu tíðina varð kallað ”studentaflaggið”? At summi lond velja at vísa ein part av síni mentan, søgu og siðvenju í flagginum? At eitt land í heiminum hevur tvey fløgg at skifta ímillum í friðartíð og krígstíð? At eitt flagg hevur ein lit, sum eingin annar hevur? Og at heimsins størsti hjálparfelagsskapur, Reyði Krossur, hevur trý ymisk eyðkennismerki?
254 almenn fløgg eru til í heiminum, hóast londini eru færri í tali. Í hesi bókini eru myndir av øllum heimsins fløggum og savningar- og eyðkennismerkjum hjá nøkrum av kendastu felagsskapunum. Tú kanst lesa um, hvussu tey eru vorðin til, og hví tey síggja út, sum tey gera.
Ein loysn frá Sendistovuni