Í 1914 vóru fyrstu trøini, sprottin úr heimligari gróðurstøð, plantað í Tórshavn, Hoydølum, Selatrað og Kunoy.
Bókin er ein brellbiti av flottum myndum úr tólv viðarlundum í Føroyum.
Á luftmyndum síggja vit, hvar tær ymsu viðarlundirnar liggja, umframt at vit fáa at vita stødd, hvør eigur, um hon er skógfriðað og mangt annað.
Tað er ikki nógvur tekstur í bókini, men ein hópur av myndum, bæði av sjálvum viðarlundunum og av ymiskum vøkstri, sum trívist har.
Eisini verður aftast greitt eitt sindur frá um nýtsluvið í Føroyum.
Hetta er hent handbók at hava við sær, tá vitjað verður í viðarlundunum.
Ein loysn frá Sendistovuni