Adam O.

Adam Oskar Fridal Illemann, vanliga nevndur Adam O., er føddur í Keypmannahavn í 1976.

Mamma Adam arbeiddi á einum bókasavni, og sum barn var hann javnan við mammu síni til arbeiðis og las teknirøðir á bókasavninum. Hann fór sjálvur at tekna og teknaði í nógv ár satirutekningar. Í 2011 gav hann út sína fyrstu dystopisku teknirøð "Ruiner". 

Í dag býr Adam O. við unnustuni og dóttrini tætt við Hvalsø á Sælandi. Umframt at vera rithøvundur teknar hann fyri blaðið Hus Forbi og hevur fyrilestrar og verkstovur fyri skúlaflokkum.