1931-1996
Plantagenet Somerset Fry, føddur Peter George Robin Fry, var enskur søgumaður og rithøvundur.
Hann las á Lancing College og á St. Thomas´s Hospital Medical School, men kláraði seg illa á báðum støðum. Hann gavst og fór at arbeiða í staðin.
Í 1952 arvaði hann eitt sindur av peningi frá ommu síni, hann gavst at arbeiði, giftist og brúkti allan peningin. Síðan gjørdist hann lærari í Weybridge í Surrey.
Í 1954 fór hann á universitet í Oxford at lesa jura og søgu. Hann manglaði altíð pengar og tók tí mangan lut í kappingum í sjónvarpi fyri at vinna pening. Tað eydnaðist honum at vinna ein hóp av pengum, sum gjørdi hann kendan í Bretlandi og samstundis fór hann at skriva og geva bøkur út.
Sum serfrøðingur í søgu var hann ógvuliga kendur og hevði stóra eydnu við sær, men í privatlívi sínum var hann ikki líka eydnusamur. Hann giftist fýra ferðir, sat í rullustóli í mong ár vegna bilóhapp og at enda gjørdist hann sjúkur av krabba í maganum.
Hann noktaði at fáa viðgerð og doyði fyri egnari hond 65 ára gamal.
Útgáva:
1998 Søgu-Alfrøðin
